મા એ ગરબો કોરાવ્યો ગબ્બર Maa E Garbo Koravyo Gabbar
માએ ગરબો કોરાવ્યો ગગન ગોખમાં રે ,
સજી સોળ રે શણગાર , મેલી દીવડા કેરી હાર ,
માએ ગરબો કોરાવ્યો ગગન ગોખમાં રે ,
ગાગર ની લઇ માંડવી માથે ઘૂમતી મોરી માત ,
ચૂંદલડી માં ચાંદ છે સાથે રૂપલે મઢી રાત ,
જોગમાયા ને સંગ દરિયો નીતરે ઉમંગ ,
તમે જોગણીઓ સંગ ..
કે માએ પાથર્યો પ્રકાશ ચૌદ લોકમાં રે ….
માએ ગરબો કોરાવ્યો ગગન ગોખમાં રે ,
ચારે જુગના ચૂડલા મારો સોળે કલાનો વાન
અંબા ના અણસારા વિના હાલે નહિ પાન
માના રૂપના નહિ જોડ એને રમવા ના છે કોડ
માની ગરબા કેરી કોર …
કે માએ ગરબો ચગાવ્યો ચાચર ચોકમાં રે ..
માએ ગરબો કોરાવ્યો ગગન ગોખમાં રે ,
