હે દુધે તે ભરી તલાવડી ને He Dudhe Te Bhari Talavadi Ne
દુધે તે ભરી તલાવડી ને મોતીડે બંધી પાળ રે ,
જીલણ જીલવા ગ્યા’તા , કે ગરબે ઘુમવા ગ્યા’તા…
હે વાટકી જેવડી વાવાલડી ને મ’ઈ ખોબલો પાણી માઈ રે ,
જીલણ જીલવા ગ્યા’તા , કે ગરબે ઘુમવા ગ્યા’તા…
હે દુધે તે ભરી તલાવડી ને મોતીડે બંધી પાળ રે ,
ગરબો માથે કોરિયો માં એ ઝબક દીવડો થાય મારી માડી ,
ગરબો રૂડો ડોલરિયો એ તો ઘમ્મર ઘમ્મર ઘૂમે મારી માડી ,
હે તાળીઓ ની રમઝટ , પગે પડે ને ત્યાં ધરણી ધમધમ થાય રે
જીલણ જીલવા ગ્યા’તા , કે ગરબે ઘુમવા ગ્યા’તા…
હે દુધે તે ભરી તલાવડી ને મોતીડે બંધી પાળ રે ,
હળવે હાલું તો કેર ચહી જાય , હાલું ઉતાવળે તો પગ લચ્કાય ,
સાળુ સંકોરુંતો વાયરે ઉડી જાય , ધડ્કંતો છેડલો સરી સરી જાય
હે પગને ઠેકે ધૂળની ડમરી ગગન માં છવાઈ રે …
જીલણ જીલવા ગ્યા’તા , કે ગરબે ઘુમવા ગ્યા’તા…
હે દુધે તે ભરી તલાવડી ને મોતીડે બંધી પાળ રે ,
ચ્યમ જાઉં ઘર આંગણીયે , આજ ગરબો રંગે ચગ્યો મારા વ્હાલા
થઇ જાવ હું તો ઘેલી ઘેલી હૈયા હિલોળા ખાય મારા વ્હાલા ,
હે સરખે સરખી સાહેલી ઓ ટોળે ઝટપટ ઝટપટ જાય રે ,…
જીલણ જીલવા ગ્યા’તા , કે ગરબે ઘુમવા ગ્યા’તા…
હે દુધે તે ભરી તલાવડી ને મોતીડે બંધી પાળ રે ,
