અંબામાના ઉચા મંદિર નીચા મોલ Ambemana Uncha Mandir Nicha Mol
અંબા માના ઉચા મંદિર નીચા મોલ ,
ઝરૂખડે દીવા બળે રે લોલ …. અંબા માના ..
અંબા માના ગોખ ગબ્બર અણમોલ કે ,
શિખરે શોભા ઘણી રે લોલ …. અંબા માના ..
આવી આવી નવરાત્રી ની રાતો કે ,
બાળકો રાસ રમે રે લોલ … અંબા માના ..
અંબે માં ગરબે રમવા આવો કે ,
બાળ તારા વિનવે રે લોલ …. અંબા માના ..
અંબા માને શોભે છે શણગાર કે ,
પગલે કુમકુમ ઝરે રે લોલ …. અંબા માના ..
રાંદલમાં ગરબે રમવાને આવો કે ,
મુખડે ફૂલડાં ઝરે રે લોલ … અંબા માના ..
ખોડીયાર માં ગરબે રમવા ને આવો કે ,
આંખો થી અમિ ઝરે રે લોલ … અંબા માના ..
માં તારું દિવ્ય અનુપમ તેજ કે ,
જોઈ મારી આંખો ઠરે રે લોલ … અંબા માના ..
ગરબો તારા બાળકો ગવરાવે કે ,
મસ્તાન તારે પાયે પડે રે લોલ … અંબા માના ..
