मूढ केहि बलपर तू इतरात
Moodh Kehi Balapar Too Itaraat Lyrics
मूढ ! केहि बलपर तू इतरात ।
करत न सीधी बात काहुसौं, सदा रहत अठलात ।
जा दिन प्रान देह तजि जैहैं, कोउ न पूछिर्दै बात ।।
जेहि तनुके सुख-साज सँवारन संतत सबहिं सतात ।
सो तनु सहज धूरि मिलि जैदै छार होहिं सब गात ॥
जेहि धन-संचै हेतु भूलि हरि, डोलत सब दिन-रात ।
धरम-करम तजि सदा गीध ज्यों मांस-हेतु ललचात ।।
सबसौं रारि करत, नहिं मानत बंधु-पूज्य, पितु-मात ।
सो धन-सरबस एहि यल रहिहै, संग न दमरी जात ।।
माल-मिलकियत सब रहि जैहैं, सबै टूटिहैं नात ।
सगे-सहोदर, पुत्र-पा हुने, तजिहैं जननी-तात ।।
राम-नामको जाप करत खल, पंचन माँहिं लजात ।
‘रामनाम सत’ सबै बोलिहैं तोहि मसानु लै जात ।।
रात-दिवस भटकत केहि कारन, नहिं कछु भेद लखात ।
भूलि भगतवत्सल भगवानहिं नर-तनु वृथा गँवात ।।
