Radha krishna Yugal Ashtakam
वृन्दावनविहाराढ्यौ सच्चिदानन्दविग्रहौ ।
मणिमण्डपमध्यस्थौ राधाकृष्णौ नमाम्यहम् ।।१।।
पीतनीलपटौ शान्तौ श्यामगौरकलेवरौ ।
सदा रासरतौ सत्यौ राधाकृष्णौ नमाम्यहम् ।।२।।
भावाविष्टौ सदा रम्यौ रासचातुर्यपण्डितौ ।
मुरलीगानतत्त्वज्ञौ राधाकृष्णौ नमाम्यहम् ।।३।।
यमुनोपवनावासौ कदम्बवनमन्दिरौ ।
कल्पद्रुमवनाधीशौ राधाकृष्णौ नमाम्यहम् ।।४।।
यमुनास्नानसुभगौ गोवर्धनविलासिनौ ।
दिव्यमन्दारमालाढ्यौ राधाकृष्णौ नमाम्यहम् ।।५।।
मञ्जीररञ्जितपदौ नासाग्रगजमौक्तिकौ ।
मधुरस्मेरसुमुखौ राधाकृष्णौ नमाम्यहम् ।।६।।
अनन्तकोटिब्रह्माण्डे सृष्टिस्थित्यन्तकारिणौ ।
मोहनौ सर्वलोकानां राधाकृष्णौ नमाम्यहम् ।।७।।
परस्परसमाविष्टौ परस्परगणप्रियौ ।
रससागरसम्पन्नौ राधाकृष्णौ नमाम्यहम् ।।८।।
vri’ndaavanavihaaraad’hyau sachchidaanandavigrahau .
manimand’apamadhyasthau raadhaakri’shnau namaamyaham ..1..
peetaneelapat’au shaantau shyaamagaurakalevarau .
sadaa raasaratau satyau raadhaakri’shnau namaamyaham ..2..
bhaavaavisht’au sadaa ramyau raasachaaturyapand’itau .
muraleegaanatattvajnyau raadhaakri’shnau namaamyaham ..3..
yamunopavanaavaasau kadambavanamandirau .
kalpadrumavanaadheeshau raadhaakri’shnau namaamyaham ..4..
yamunaasnaanasubhagau govardhanavilaasinau .
divyamandaaramaalaad’hyau raadhaakri’shnau namaamyaham ..5..
manjeeraranjitapadau naasaagragajamauktikau .
madhurasmerasumukhau raadhaakri’shnau namaamyaham ..6..
anantakot’ibrahmaand’e sri’sht’isthityantakaarinau .
mohanau sarvalokaanaam’ raadhaakri’shnau namaamyaham ..7..
parasparasamaavisht’au parasparaganapriyau .
rasasaagarasampannau raadhaakri’shnau namaamyaham ..8..
