અંબા અભય પદ દાયની રે | Amba Abhay Pad Dayani Re
અંબા અભય પદ દાયિની રે ,
શ્યામા સાંભળજો સાદ ભીડ ભંજની , અંબા અભય પદ …
હેમ હિંડોળે હીંચકે રે,હિચકે આરાસુરી માત ભીડ ભંજની,અંબા ..
સખીઓ સંગાથે કરે ગોઠડી રે , આવે આઠમની રાત ભીડ ભંજની
સર્વે આરાસુર ચોકા માં રે , આવો તો રમીએ રાસ ભીડ ભંજની ..
એવે સમે આકાશ થી રે , આવ્યો કરુણ પોકાર ભીડ ભંજની ,..
કોણે બોલાવી મુજને રે , કોણે કર્યો મને સાદ ભીડ ભંજની ,..
મધ દરિયો તોફાન માં રે , મડી ડૂબે મારું વહાણ ભીડ ભંજની,..
વાયુ ભયંકર ફૂંકતો રે , વેરી થયો વરસાદ ભીડ ભંજની ,..
પાણી ભરાણા વહાણ માં રે , એ કેમ કાઢ્યા જાય ભીડ ભંજની ..
આશા ભર્યો હું આવીયો રે , વ્હાલા જોતા હશે વાટ ભીડ ભંજની .
હૈયું રહે નહિ હાથ માં રે , દરિયે વાળ્યો દાત ભીડ ભંજની ,…
મારે તમારો આશરો રે , ધાઓ ધાઓ મારી માત ભીડ ભંજની ,..
અંબા હિંડોળે થી ઉતર્યા રે , ઉઠયા આરાસુરી માત ભીડ ભંજની ..
સખીઓ તે લાગી પૂછવા રે , ક્યાં કીધા પ્રયાણ ભીડ ભંજની ,..
વાત વધુ પછી પૂછજો રે , બાળ મારો ગભરાય ભીડ ભંજની ,..
ભક્ત મારો ભીડે પડ્યો રે , હું થી કેમ સહેવાય ભીડ ભંજની ,..
એમ કહી નારાયણી રે , સિંહે થયા અસવાર ભીડ ભંજની ,..
ત્રિશુલ લીધું હાથ માં રે , તાર્યું વણિક નું વહાણ ભીડ ભંજની ,..
ધન્ય જનેતા આપને રે , ધન્ય દયાના નિધન ભીડ ભંજની ,..
પ્રગટ પરચો આપનો રે , દયા કલ્યાણ કોઈ ગાય ભીડ ભંજની ,.
ભીડ બધી તેની ભાંગજો રે , સમયે કરજો સહાય ભીડ ભંજની ,..
અંબા અભય પદ દાયની રે , શ્યામા સાંભળજો સાદ ભીડ ભંજની
